Radio Esperanto, №47

En nia 47a podkasto, aperinta du monatojn post la 46a, oni povas aŭdi la Kaliningradan felietonon de Halina, kiu rakontas pri du novaj projektoj realigataj en Kaliningrado kunlabore kun partneroj el Litovio kaj Pollando. Poste aŭdu Esperanto-novaĵojn, unu el kiuj sonas en aparta programero – temas pri la proklamo de la Esperantisto de la Jaro 2018. Sekvas prezento de la du intertempe aperintaj numeroj de La Ondo de Esperanto, kaj en la fino de l’ programo sonas Kristnaska kanto, ja inter la antaŭa kaj la nuna programoj okazis la Gregoriaj kaj Juliaj Kristnaskoj kaj Novjarfestoj.

Uzante la okazon, ni kore dankas al Ronaldo, Ina, Johano, Fritz, ankaŭ al Anna kaj al aliaj samideanoj, kiuj multe helpis nin dum nia kelktaga restado en la ĉefurbo de Germanio.

En ĉi tiu programo:

  1. Enkonduko
  2. Okcidente de Ruslando: Kaliningrada felietono de Halina Gorecka
  3. Esperanto-novaĵoj
  4. Hori Jasuo – la Esperantisto de la Jaro 2018
  5. La Ondo de Esperanto, 2018, №12; 2019, №1
  6. Ho, venu vi Imanuel: Kristnaska kanto de Anjo Amika

Parolas: Halina Gorecka kaj Aleksander Korĵenkov
Kantas: Anjo Amika (Hungario)

Uzitaj referencoj:
Aboni la Ondon: http://esperanto-ondo.ru/Lo-abon.htm
La Balta Ondo: http://sezonoj.ru/
Demoversio de la decembra Ondo: http://esperanto-ondo.ru/Ondo/Lo-290demo.pdf

This entry was posted in and tagged , , , , , , , , , , , . Bookmark the permalink.

2 Responses to Radio Esperanto, №47

  1. Carlos Spinola diris:

    Dankon kaj gratulon por via nova kaj interesa podkasta sezono.
    Koran saluton el Malaga- Hispnio

Respondi

Retpoŝtadreso ne estos publikigita. Devigaj kampoj estas markitaj *